Upalungaarsimanermut tunngatillugu nalunaarut

Tunillaassortunik nappaalanersuaqarneranut ataatsimiititaliarsuup Naalakkersuisullu COVID-19-ip Nuummi siaruaannerata killilernissaanut suliniutai pillugit upalungaarsimanermut tunngatillugu nalunaarut

 

 

 

 

 

 

Nakorsaanerup ullumikkut nalunaarutigaa, inuk ataaseq COVID-19-imik aamma tunillatsissimasoq paasineqarsimasoq.

Taamaalillutik Nuummi COVID-19-imik tunillatsissimasut marluulerput, Nuulli avataani tunillatsittoqarsimanngilaq.

 

Tunillatsissimasoq nutaaq maani Nuummi tunillatsissimasinnaavoq, taamaattumik tunillaassuunnerup siaruarnissaa pinaveersaartinniarlugu allanik iliuuseqartoqarnissaanut aalajangiinissamut maanna tunngavissaqalerpoq.

 

Tunillaassortunik nappaalanersuaqarneranut ataatsimiititaliarsuaq ileqqorisassatut maleruagassat tullinnguuttut ullumikkut nal. 16 atuutilissasut aalajangerpoq:

 

  • Nuummi aaqqissuussinerit inunnik qulinik amerlanerusunik peqataaffigineqartussat inerteqqutigineqalerput. Matumani aaqqissuussat illup iluani silamilu pisussat pineqarput. Inerteqquteqarneq ullumikkumiit sapaatillu akunnerini pingasuni atuuttussatut aalajangerneqarpoq.
  • Nuummi Nuuk centeri, diskotekit, imerniartarfiit timersortarfiillu, tassunga ilanngullugit timigissartarfiit matuneqassapput.
  • Nuummi neriniartarfinnut cafeenullu isertoqaqqusaanngilaq. Illumiit annissassanik pajuttarnerit suli inerteqqutaanngillat.
  • Nuummiit angallannerit suulluunniit, tassunga ilanngullugit nammineq angallammik angalanerit inerteqqutaalerput.
  • Nuummi ilinniarfeqarfiit tamarmik taamatuttaaq pisortat namminersortullu ulluunerani paaqqinnittarfii matuneqassapput. Pinasuartumik paaqqutarinninnissat aaqqissuunneqarput.
  • Ulluinarni nioqqutissanik pisiniarfiit nalinginnaasumik ammaannarput. Pisisartulli 2 meterinik imminnut ungasitsigisassapput.

 

 

 Paasisaqarnerorusukkuit Inger Heilmann Larsen saaffigiuk ihla@nanoq gl, tlf 554160